குடிநோய்: ஒரு கலாச்சாரப் பிரச்சினை
பிரான்சிஸ் ஜெயபதி (1948) தத்துவவியல், இறையியல் படிப்பின் ஊடாக மானுடவியலில்
ஈடுபாடு கொண்டு தில்லிப் பல்கலைக்கழகத்திலும் இலண்டன் ஸ்கூல் ஆப் எகனாமிக்ஸிலும்
மானுடவியலை முறையாகப் பயின்றவர். “காணிக்காரர் சமூகம்” பற்றிய ஆய்வுகளும் மானுடவியல்
அறிஞர் கிரிஸ் புல்லர் மேற்பார்வையில் “கன்னியாகுமரி கடற்கரை மக்கள்” குறித்து இவர்
மேற்கொண்ட ஆய்வுகளும் குறிப்பிடத்தக்கவை. சென்னை லயோலா கல்லூரி கல்ச்சர் அண்ட்
கம்யுனிகேசன், பாளையங்கோட்டைத் தூய சவேரியார் கல்லூரி நாட்டார் வழக்காற்றியல் துறை
ஆகியவை ஜெயபதியால் முன்னெடுக்கப்பட்டுத் தமிழ்க் கல்விப்புலத்திலும் பண்பாட்டுச்
செயல்பாடுகளிலும் முறையான அறிவையும் அக்கறையையும் உருவாக்கியவை. சுனாமிக்குப்
பிந்தைய பணிக்களத்தில் சேசுசபை சுனாமிக் குழுவில் இடம்பெற்றுக் கடற்புர மக்கள்,
கடல்சார் பண்பாடு குறித்து ஜெயபதி முன்வைத்த பார்வைகள் தனித்துவமானவை. போதை நோய்
பணிக்குழுவின் மூலம் கடந்த நான்காண்டுகளாகக் குடிநோயாளி, நோயாளியின் குடும்பம்,
சமூகமெனக் குடிநோய் சார்ந்து அவர் பணியாற்றும் விதம் தமிழ்ச் சூழலில் புதிதாக
அறியப்படுவது.<p a
