கை
ஓவியங்கள்: செல்வம்
நல்ல தூக்கத்தில், கனவுகளுக்கு அப்பாற்பட்ட சூன்யமான உலகத்தில் ஆழ்ந்திருந்தேன். திடீரென எவருடைய விரல்களோ என் முகத்தைத் தடவியபோது மூளை= விழித்துக்கொண்டது. இருப்பினும் தூக்கத்திலேயே கிடந்தேன். அவ்விரல்கள் எனது வலது கைவிரல்களைக் கோத்துக்கொண்டன. அந்நிய உணர்வுகளை உணர்ந்த என் கை அனிச்சையாக விலகிக்கொண்டது. அவ்விரல்கள் என் வலது கையைத் தடவிக்கொண்டே கழுத்திற்குச் சென்றது. அப்படியே மேலே உதட்டிற்கு வந்தபோது திடுக்கிட்டு எழுந்தேன். படபடவென இதயம் அடித்துக்கொண்டது. போர்வையை உதறினேன்.
யாருமில்லை. பின் என்ன? திரும்பவும் கழுத்தில் அந்தக் கைகள் தடவின. பதறி எழுந்து தட்டிவிட்டு, விளக்கைக் சுடுக்கினேன். இப்போதும் ஏதுமில்லை. தூக்கம் கலைந்து, மண்டையில் கிண்ணெனச் சூடாய் ஏதோ இறங்கியதுபோல் உணர்வு. இரவு உடையை நன்றாக உதறினேன்