எஸ்.வி.ஆர். எனும் பன்முக ஆளுமை
1952 ஆம் ஆண்டு. தாராபுரம் போர்டு உயர்நிலைப் பள்ளியில், திமுக பேச்சாளர் நெடுஞ்செழியன் உரை நிகழ்த்திவிட்டுக் கரூர் செல்வதற்காகப் பள்ளியை ஒட்டியிருந்த பேருந்து நிலையத்திற்கு நடந்து சென்றார். குறுந்தாடிப் பெரியார் என்று அறியப்பட்ட அவர் அப்போது தாடி வைத்திருந்தார். நானும் சில நண்பர்களும் அவரை வழியனுப்பச் சென்றோம். பேச்சாளருக்குப் பயணச்சீட்டு வாங்கப் பணம் சேகரித்து, கை நிறைய நாணயங்களுடன் அங்கு வந்துசேர்ந்தார் மனோ என்று நாங்கள் அழைத்த எனது வகுப்புத் தோழன் மனோகரன். பள்ளிப் படிப்பிற்குப் பிறகு அவருடன் பல ஆண்டுகள் எனக்குத் தொடர்பு இல்லை. நான் சிவில் சர்வீஸில் சேர்ந்து வடகிழக்கு இந்தியாவிற்குச் சென்றுவிட்டேன்.
வாழ்க்கைப் பயணம்
எஸ்.வி. ராஜதுரை என்று அறியப்படும் மனோ என்கிற மனோகரனின் தந்தை காளியப்பக் கவுண்டர் எங