ரிஷி சுனக்கின் தேர்தல்
2024 தேர்தல்களின் ஆண்டு. இலாப நோக்கற்ற அமெரிக்க அரசு சாரா அமைப்பான தேசிய ஜனநாயக நிறுவனத்தின் கணக்குப்படி இந்த வருடம் மட்டும் 64 நாடுகளில் பொதுத் தேர்தல்கள் நடக்கவிருக்கின்றன. உலக மக்கள்தொகையில் பாதிப்பேர் வாக்குச் சாவடிக்குப்போவார்கள். உலகின் அதிக மக்கள்தொகை கொண்ட 10 நாடுகளில் எட்டு - பங்களாதேஷ், பிரேசில், இந்தியா, இந்தோனேஷியா, மெக்ஸிகோ, பாகிஸ்தான், ரஷ்யா, அமெரிக்கா ஆகியவை இவற்றில் அடங்கும். இந்த வாக்கெடுப்பின் பின்விளைவுகள் பல நாடுகள், ஏன் புவிசார் அரசியல் பதற்றங்களை ஏற்படுத்தும். உதாரணமாக, தைவானில் தேர்ந்தெடுக்கப்பட்ட புதிய அதிபர் அந்தச் சுயராஜ்ஜியத் தீவில் பெய்ஜிங்கின் அணுகுமுறையை அடிப்படையாக வடிவமைப்பார். நவம்பரில் நடக்கப்போகும் அமெரிக்க அதிபர் தேர்தல் போட்டியானது, “உலகிற்கு மிகப் பெரிய ஆபத்து” என்று சமீபத்தில் எகனாமிஸ்ட் என்ற சுதந்திரச் சந்தையை வழிபடும் ஏடு எச்சரிக்கை விட்டிருக்கிறது.
2024 ஆங்கிலத் தேர்தல் இன்னுமொரு விதத்தில் முக்கியமானது. முதல்முதலாக ஆட்சியைத் தொழிலாளர் கட்சி பிடித்து நூறாண்டுகள் ஆகின்றன. இ