இந்திய-&பிரெஞ்சு இலக்கிய உறவுகளுக்கான பாலம்
காலச்சுவடு பதிப்பகத்தின் பதிப்பாளர் கண்ணனுக்கு பிரெஞ்சு அரசின் உயரிய செவாலியே விருது வழங்கும் விழா ஜூன் 5ஆம் தேதி புதுதில்லி பிரெஞ்சுத் தூதரகத்தில் நடைபெற்றது. விருது வழங்கிய மைக்கான காரணத்தைக் கூறும் அறிக்கையை பிரெஞ்சுத் தூதர் தியெரி மத்து வாசித்தார். அதன் தமிழாக்கத்தை இங்கே தருகிறோம்.
கண்ணன் சுந்தரம் காலச்சுவடு பதிப்பகத்தின் நிர்வாக இயக்குநர்; ஆசிரியர். இந்தியாவின் தென்கோடியில் உள்ள நாகர்கோவிலில் 1995ஆம் ஆண்டு இந்தப் பதிப்பகத்தை நிறுவிய அவர் இதுவரை 1200க்கும் மேற்பட்ட நூல்களைத் தமிழில் வெளியிட்டுள்ளார்.
காலச்சுவடு பதிப்பகம் பெண்கள், விளிம்புநிலைச் சமூகங்களைச் சேர்ந்தவர்கள், பல்வேறு வெளிநாட்டு எழுத்தாளர்கள் உள்ளிட்ட பல்வேறு தரப்பினரின் படைப்புகளை வெளியிட்டுள்ளது. கண்ணனின் பார்வையும் பதிப்புலகில் அவருக்கு இருக்கும் ஆழ்ந்த ஈடுபாடும் இதற்குப் பின்னால் இருக்கின்றன. பெருமாள்முருகன் (பிரெஞ்சு வாசகர்களின் இதயங்களை வென்றவர்), சுந்தர ராமசாமி (சமூக, அரசியல் கருப்பொருள்களை ஆராயும் படைப்புகளைத் தந்தவர்), அம்பை (முக்கியமான பெண்ணிய எழ