கன்னடத்திலிருந்து தமிழில்: நஞ்சுண்டன்
கவிதை
ஒரு அமெரிக்க விளம்பரம்
ஆண்குறியைப் பெரிதாக்கும் அமெரிக்கத் தானியங்கி இயந்திரத்தை
பொருத்திக்கொண்ட உடனே வேலை தொடங்கும்
சிறிய, மெலிந்த, வளைந்த ஆண்குறியை
9 முதல் 10 அங்குலம்வரை நீளம், தடிமன், சக்தி கொண்டதாக்கும்
அதோடு அழகானதாக்கும்
உடலுறவை 40 முதல் 50 நிமிடம்வரை நீட்டிக்கும்
ஆண்மைக்குறைவு, கரமைதுனம், துரித ஸ்கலிதத்துக்குச்
சிறந்த தீர்வளிக்கும்
நூறு சதவீதம் ஆயுர்வேதக் குணமுடையது
வெள்ளை மாளிகையிலிருந்தே நற்சான்றளிக்கப்பட்ட
இதன் சஞ்சீவினிக் குணம் குறித்துச்
சந்தேகம் வேண்டாம் வீரமான இந்தியர்களே
ஆறு மாதக் குழந்தை முதல்
அறுபது வயது முதியவர்வரை
எல்லோரும் பயன்படுத்த உகந்தது
நோ ஸைட் எஃபெக்ட்ஸ்
வேண்டுமானால் கேட்டுப் பாருங்கள்
முதலில் சிவப்பிந்தியர்கள் பிறகு ஜப்பானியர்கள்
