நடிகையும் புத்தகமும்
குறுங்கதைகள்
நடிகையும் புத்தகமும்
கார்லஸ் புயந்தஸ் என்ற லத்தீன் அமெரிக்க எழுத்தாளரின் புத்தகத்தைப் படிப்பவள் என்று நடிகை தன்யா பற்றி ஒரு பேச்சு உதவி இயக்குநர்களிடம் உலவியது. சில உதவி இயக்குநர்கள் பிரமிப்பில் இருந்தார்கள். என்னைப் போன்ற சில உதவி இயக்குநர்கள் கார்லஸ் புயந்தஸின் புத்தகங்களைத் தேடினோம். எனக்கு The Death of Artemio Cruz என்ற புத்தகம் கிடைத்தது. படிக்க முடியாமல் தவித்துக்கொண்டிருந்தேன்.
உதவி இயக்குநர் மோகன், இயக்குநரிடம் சென்று படபடப்பாக கார்லஸ் புயந்தஸின் புத்தகத்தை நடிகை தன்யா படிக்கிறாள் என்று சொன்னபோது, “என்ன எழவு புத்தகம் படித்தால் என்ன. நடிப்பு வர மாட்டேங்குதே” என்று சொல்லி அவனைத் திட்டினார். “போய் ஒழுங்கா உன் வேலையைப் பாரு.”
நடிகை படித்துக்கொண்டிருந்த புத்தகத்தின் பெயர் The Buried Mirror என அறிந்தேன்.
